Навивачите на Атлетико се бесни, веќе го палат дресот на Алварез (ВИДЕО)

23 јуни 2026 - 11:24

Хулијан Алварез преку ноќ од миленик стана некој кој не е пожелен помеѓу навивачите на Атлетико Мадрид кои веќе тоа го покажуваат и на дело.

Во изминатите денови се шпекулираше за можен трансфер на Алварез во Барселона, а аргентинскиот голгетер по вчерашниот натпревар против Австрија на Мундијалот јавно призна дека размислува да го напушти Атлетико.

Сепак, и покрај богатата понуда од Барселона, раководството на Атлетико не сака ниту да слушне за негова продажба. Алварез има важечки договор со мадридскиот клуб, а „јорганџиите“ за негово заминување бараат огромни 500 милиони евра.

Иако клубот не сака да го пушти, навивачите неговата желба за трансфер ја доживеаја како предавство. На социјалните мрежи веќе се појавија снимки на кои најверните фанови на Атлетико палат дресови со бројот 19, кој го носи аргентинскиот напаѓач.