Зеленортските Острови се хит на Мундијалот – најдобар дебитант во последните 24 години

22 јуни 2026 - 08:13

Репрезентацијата на Зеленортските Острови и натаму е непоразена на Мундијалот и покрај тоа што досега играше со два поранешни светски шампиони – Шпанија и Уругвај.

Со тоа, „ајкулите“ се најдобар дебитант на планетарните шампионати од 2002 година. Тие станаа прва репрезентација по Сенегал која избегнала пораз на првите два настапа на дебитантскиот настап на мундијалите. Разликата е во тоа што Сенегал тогаш освои четири бода во воведните два меча бидејќи ја победи Франција со 1-0 и ремизираше со Данска (1-1).

Покрај тоа, Зеленортските Острови станаа само втора африканска селекција која на еден меч постигнала два гола надвор од казнениот простор. Претходно, тоа ѝ успеа само на Нигерија, во 1994 година, против САД.