Испишана е историја: Курасао го постигна првиот гол на светските првенства (ВИДЕО)

14 јуни 2026 - 19:35

Иако раниот гол најави дека Германија можеби ќе го понижи Курасао, дебитантот на светските првенства очигледно не се исплаши од негативата и од големиот ривал.

Во 21. минута, Ливано Комененсија испиша историја на оваа мала карипска држава откако го израмни резултатот и го постигна првиот гол на мундијалите за Курасао.

Тоа беше и прв директен удар на фудбалерите на Курасао кон голот на Германија и веднаш заврши во мрежата, на задоволство на армијата навивачи од малата држава денеска во Хјустон.