Беше во Белград на протест против Вучиќ, па остана без повик од репрезентацијата

26 мај 2026 - 23:23

Селекторот на Србија, Вељко Пауновиќ го објави списокот со фудбалери на кои ќе смета на пријателските средби против Зеленортските Острови и Мексико, а меѓу нив не се најде напаѓачот на Унион Берлин, Андреј Илиќ и тоа ги изненади навивачите.

Медиуми од регионот пишуваат дека Илиќ е отпишан од репрезентацијата на Србија затоа што бил на големиот протест во Белград против претседателот Александар Вучиќ и актуелната Влада. Граѓаните во изминатиот период организираа неколку протести кај нашиот северен сосед, а притоа побараа предвремени избори.

Илиќ имаше многу добра сезона во Германија, односно во дресот на Унион настапи на 34 меча, при што постигна шест голови и 12 асистенции.

Фото: Bundesliga/Facebook