Фудбалерите и ракометарите на Вардар заедно ќе ги слават титулите - на „Школка“!

18 мај 2026 - 10:57

По саботниот натпревар помеѓу Вардар и Шкендија, ќе почне официјалната прослава на шампионската титула на црвено-црните, која ќе се случува во Градскиот парк во Скопје.

Покрај фудбалерите на Вардар, ќе присуствуваат и ракометарите кои исто така станаа шампиони на Македонија. На „Школка“ ќе има и свирка на реномиран рок бенд кој ќе ги забавува присутните.

Прославата ќе биде отворена за сите навивачи на Вардар кои ќе имаат можност да се соберат на едно место и да го прослават успехот.

Натпреварот меѓу Вардар и Шкендија е закажан за сабота со почеток од 18 часот, а потоа ќе почне прославата во Градскиот парк.