Славјето во Загреб може да почне, Динамо ја врати шампионската титула!

26 април 2026 - 18:46

Фудбалерите на Динамо Загреб се шампиони на Хрватска, откако на четири кола пред крајот на првенството обезбедија недостижна предност од 12 бода во однос на второпласираниот Хајдук Сплит бидејќи имаат и подобар меѓусебен скор

За гигантот од Загреб ова е 26. шампионска титула во Хрватска. Воедно, ова е и враќање на титулата во Загреб, откако Ријека минатата сезона го прекина седумгодишниот шампионски низ на Динамо.

Во прилог на Динамо им одеше денешното реми меѓу Ријека и Хајдук (0-0), со што сплитскиот клуб ги загуби и теоретските шанси да го стигне лидерот на табелата, па славјето во Загреб можеше да почне и пред денешниот натпревар на новиот шампион против Вараждин.