Данска остана без вториот голман пред мечот со Македонија - се повреди Јоргенсен!

16 март 2026 - 21:30

Репрезентацијата на Данска се соочува со големи проблеми пред натпреварот против Македонија во полуфиналниот бараж за пласман на Светското првенство (СП), откако се повреди и вториот голман Филип Јоргенсен.

Чуварот на мрежата на Челси се пожалил на повреда, поради која ќе паузира одреден период, а информацијата ја потврди тренерот на премиерлигашот, Лијам Росениор.

Ова најверојатно значи дека Јоргенсен ќе отпадне од конкуренција за пресметката со Македонија, а Данска веќе некое време е без првиот голман Каспер Шмајхел, кој исто така е повреден.

Натпреварот меѓу Данска и Македонија во Копенхаген се игра на 26 март од 20.45 часот.

Фото: EPA