НБА ја призна грешката: Судиите жестоко го оштетија Денвер во Лос Анџелес (ВИДЕО)

При резултат 116-113 за Денвер, на десет секунди до крајот на регуларниот дел, Лејкерс имаа аут од страна по тајм-аут. Топката стигна до Остин Ривс, кој наводно беше фаулиран од Спенсер Џонс. Судијата веднаш досуди фаул и две слободни фрлања, иако подоцнежната анализа покажа дека Џонс чисто ја избил топката од рацете на Ривс без контакт со раката.

„Џонс ја испружи десната рака и чисто ја оттурна топката од Ривс по приемот на додавањето“, стои во судиската анализа.

Играчите на Денвер бурно реагираа, но одлуката остана на сила. По свирежот, топката излезе во аут, а на снимката се гледа дека Џонс можел да ја задржи во игра, но застанал кога го слушнал свирежот. Ривс ги реализираше двете слободни фрлања, а подоцна намерно промаши едно за да ја фати одбиената топка и да погоди за израмнување и продолжение, каде што Лука Дончиќ го реши мечот во корист на Лејкерс.

Оваа одлука се покажа како исклучително важна во борбата за пласман во плејофот во НБА. Лејкерс сега имаат скор 42-25 и се на третото место на Западот, додека Денвер е петти со 41-27. За Нагетс ова значи и потешка битка за место меѓу првите четири екипи на Западот, кои носат предност на домашен терен во првата рунда од плејофот.