По 12 години, Сиетл повторно е шампион на НФЛ! (ВИДЕО)

Ова беше 60. издание на Супербоулот и реприза на финалето од 2015 година, кога Петриотс победија на драматичен начин. Годинашното финале на НФЛ беше големо изненадување бидејќи Сиетл и Њу Ингланд не беа меѓу фаворитите за титулата, но ја завршија регуларната сезона со резултат од 14 победи и три порази. Тие успеаја да се пласираат во плејофот првенствено благодарение на нивните одлични одбрани што беше главна одлика и на Супербоулот одигран пред 70.000 навивачи.

Првите поени во натпреварот ги постигна шутерот на Сиетл, Џејсон Мајерс кој погоди од 33 јарди во првата и од 39 и 41 јард во втората четвртина. Немаше тачдауни во првото полувреме, а Сихокс беа поблиску до такво нешто. Сепак, додавањето од Дарнолд до Џексон Смит-Њигба беше блокирано од Кристијан Гонзалез.

Во третата четвртина имаше уште еден филд гол од Мајерс и топката што ја изгуби Меј, а потоа беше остварен првиот тачдаун во натпреварот. Дарнолд се повлече и фрли надесно за Еј Џеј Барнер, кој ја фати топката. Мајерс го погоди дополнителниот поен и Сиетл поведе со 19-0. Иако Петриотс дотогаш не успеаја ниту да дојдат до позиција за филд гол, тие постигнаа два тачдауна до крајот на натпреварот. Меј се погрижи за првиот, но на спротивната страна врати Нвосу кој стави точка на сите дилеми околу победникот, доведувајќи го Сиетл во водство од 29-7.

Иако Џејсон Мајерс постигна пет филд гола, за МВП беше прогласен играчот на Сиетл, Кенет Вокер кој не постигна ниеден поен, но очигледно имаше голем придонес во играта на својот тим. Ова беше четврто финале за Сиетл и прва титула по 2013 година.