„Го сакав Пењароја, ме одби поради жена му“

По поразот на Хапоел од Партизан во Минхен по величествениот пресврт на „црно-белите“ во продолжение, Јанај ги откри деталите од преговорите со шпанскиот стручњак.

„Пењароја беше еден од кандидатите што ги имавме за замена на Дани Франко. Тој беше подготвен да ја прифати понудата, но неговата сопруга не сакаше да дојде во Израел за време на војната, па се одлучивме за Итудис. Разговарав со Пењароја по натпреварот и мислам дека беше одличен меч. Натпревари како овој се една од причините зошто ја сакаме кошарката. До самиот крај не беше јасно како ќе заврши дуелот“, рече Јанај.

Пењароја дојде во Партизан во неблагодарен момент, откако си замина Жељко Обрадовиќ, а самиот тој ја почна оваа сезона на клупата на Барселона.