Претстои лудо последно коло во Лигата на шампионите - ќе одлучува и гол разликата

За овие два тима одморот од елитното натпреварување може да почне и ќе трае до март бидејќи последното коло од лигашкиот дел е само формалност, а нема да учествуваат во плејофот идниот месец. За другите шест места кои водат во осминафиналето, ќе се води жестока битка идната недела.

Во блага предност се Реал и Ливерпул кои ги држат третото и четвртото место, петтопласираниот Тотнем има гостување кај отпишаниот Ајнтрахт, а потоа следува пеколот. Осум екипи, од шестото до 13. место се со 13 освоени бода и во последното коло ќе се борат за местата што носат директно во осминафиналето. Тука ќе одлучува гол-разлика, во најголема предност е ПСЖ кој има +10 и го пречекува Њукасл во единствениот директен дуел, Челси го очекува тешко гостување кај Наполи кој се уште има шанси за пласмнан, а се чини дека најлесна работа има Барселона која е деветта и го пречекува Копенхаген. Каква било победа, најверојатно ќе го однесе каталонскиот тим меѓу осумте најдобри.

Интересно ќе биде и во борбата за плејофот бидејќи пет екипи се со по осум бода, од 22. до 27. место, пред нив три со по девет, а зад нив и Бриж со седум. Последното коло се игра на 27 и 28 јануари.