Махрез пред очите на големиот Зидан го однесе Алжир во осминафиналето! (ФОТО)

28 декември 2025 - 20:32

На коло пред крајот од групната фаза, Алжир го завери местото во нокаут фазата откако со гол на славниот Ријад Махрез ја победи селекцијата на Буркина Фасо со 1-0.

Клучниот момент се случи во 23. минута кога Махрез погоди од пенал за водство на Алжир од 1-0, што беше и конечен резултат.

По две одиграни кола, Алжир има максимални шест бода, Буркина Фасо и Судан имаат по три, а следниот противник на Алжирците, Екваторска Гвинеја нема бодови.

Мечот во живо на стадионот го гледаше и Зинедин Зидан кој има алжирско потекло. Зизу е роден во Франција, но неговите родители се од Алжир.