Копенхаген го шокира Виљареал, Ајакс конечно победи во ЛШ (ВИДЕО)

10 декември 2025 - 20:41

Вечерва од 18.45 часот беа одиграни два натпревари во Лигата на шампиони (ЛШ), при што до првата победа во елитното натпреварување стигна Ајакс откако го надигра Карабах со 2-4, додека Копенхаген со 3-2 го шокира Виљареал.

Дуран во 10. минута ја затресе мрежата на гостите од Амстердам, но Долберг до крајот на првото полувреме израмни на 1-1.

Карабах повторно стигна до водство, и тоа на стартот на вториот дел преку Матеус Силва, по што Ајакс се мачеше да стигне до втор погодок.

Ајакс конечно ја проби одбраната на домаќинот преку Глук во 79. минута, а потоа до крајот постигна уште два гола за триумф од 4-2.

Фудбалерите на Копенхаген остварија неочекувана победа на гости во Шпанија, а ја најавија уште во втората минута преку Елјунаси.

Комесана во 47. минута погоди за израмнување на 1-1, но потоа Ачури повторно донесе предност за гостите.

Виљареал не се предаваше, па го возврати ударот и повторно израмни (2-2), но нова радост на Копенхаген донесе Корнелиус на истекот на 90. минута.

Фото: EPA