МЗТ Скопје моќно го среди Кожув! (ФОТО)

07 декември 2025 - 19:53

МЗТ Скопје лесно дојде до триумф над Кожув, шампионот си поигра со противникот и славеше убедлива победа од 101-79 забележувајќи ја осмата победа во деветиот натпревар од Супер лигата оваа сезона.

Во првата четвртина гостите успеваа некако да се носат со поквалитетниот противник, по тие десет минути МЗТ Скопје имаше предност од 22-19, а победникот беше решен во вториот период кога момците од Аеродром почнаа да создаваат недостижна предност. На полувремето домаќините имаа водство од 51-34.

Третиот период беше најдобриот за МЗТ, го добија со 36-19, создадоа највисоко 34 поени разлика. Во последните десет минути влегоа релаксирано и му дозволија на Кожув да намали малку од негативата. Конечниот резултат беше 101-79.

Магдевски со 21 поен беше најефикасен во составот на МЗТ Скопје, Гил постигна 19, Петков 15. Најдобар кај Кожув и воопшто на мечот беше Вашингтон со 30 поени.