Мајката си го брани синчето: Циципас имал лоши резултати поради - згодна Шпанка!

05 декември 2025 - 13:54

Љубовната врска меѓу Стефанос Циципас и Паула Бадоса конечно заврши по неколку прекинувања и обиди да се смират, а за целата ситуација коментираше мајката на тенисерот, Јулија Циципас.

Јулија е активна и го следи нејзиниот син на турнирите каде што настапува, а за Бадоса вели дека била голем проблем во кариерата на грчкиот тенисер.

„Нивната врска беше комплицирана од почеток до крај. Од една страна, му одземаше многу време и влијаеше на неговите резултати, а од друга страна разделбата тешко го погоди. И јас бев тенисерка и сметам дека тенисерите не смеат да реагираат толку емотивно“, кажа Јулија.

Гркот беше во трка со најдобрите, но падот во формата значеше и да ја заврши годината како 34. тенисер на АТП-листата.

Фото: EPA