Масовно лудило во Белград: Над 10 илјади фанови на Партизан го следат во живо летот на Обрадовиќ (ВИДЕО)

27 ноември 2025 - 17:42

Управата на Партизан денеска ја одби оставката на Жељко Обрадовиќ, по што навивачите на белградскиот клуб ги обзеде невидена еуфорија, слична на онаа од пред две години кога играа против Реал во четвртфиналето од Евролигата.

Во моментов, трофејниот стручњак патува кон српската престолнина, а за какво лудило се работи кај фановите на Партизан, најдобро зборува тоа што „летот на Обрадовиќ“ е најследен од сите во светот на специјализираниот сајт за следење на авионски летови. Повеќе од 10 илјади лица го означиле како приоритетен, а дополнителна тензија прави тоа што доцни околу еден час.

Луда атмосфера има и на белградскиот аеродром каде навивачите го чекаат Обрадовиќ да слета како да чекаат шампионска титула од Евролигата. Според првичниот редослед на летање, Обрадовиќ требаше да слета во 17:10 часот, но ќе пристигне по 18.

 
 
 
 
 
 
 
 
 
 
 
 
 
 
 

A post shared by Sport Klub (@sport.klub)