Фудбалска легенда бара отказ за селекторот на Данска!

20 ноември 2025 - 19:51

Поранешниот фудбалер на Евертон и Реал Мадрид, но и дански репрезентативец, Томас Гравесен побара отказ за селекторот Брајан Ример на неговата татковина затоа што смета дека немал доволно квалитет да ја предводи селекцијата.

Гравесен смета дека поразот на Данска од 2-4 против Шкотска е вистинска катастрофа и поради тоа фудбалскиот сојуз на државата треба да го отпушти стратегот пред следните предизвици.

„Тој е катастрофа, многу лош тренер. Потенцијалот на одредени фудбалери мора да биде целосно искористен. За мене, Брајан е катастрофа, не е доволно добар за селектор“, кажа Гравесен за тренерот на Данска.

Данска следниот меч во трката за пласман на Мундијалот го игра против Македонија на 26 март од 20.45 часот.

Фото: EPA