Динамо пред ангажман на 15-годишен Косовец по кој „трчаат“ и европски гиганти!

Иако во клубот има низа промени со доаѓањето на Звонимир Бобан, стратегијата за откривање и формирање на млади играчи останува непроменета, а косовскиот талент е идентификуван како играч со исклучителен потенцијал. Курти веќе беше на проба во Динамо на почетокот од годината и тогаш го воодушеви стручното раководство - постигна четири гола на две контролни средби. Со тоа веднаш го привлече вниманието како фудбалер со изразен голмански инстинкт, техничка зрелост и мирнотија во завршница – ретки квалитети за играч на негова возраст.

Талентот на Курти не остана незабележан ниту на меѓународно ниво. Неговиот татко потврди дека младиот напаѓач добил повик за кадетската репрезентација на Финска, но истовремено во семејството постои силна поврзаност со Косово, па не е исклучено во иднина да го облече дресот на земјата од која потекнува. За него веќе се интересираат и европски клубови. Холандскиот Херенвен и германскиот Унион Берлин испратија конкретни понуди, при што германскиот клуб дури предложи договор. Сепак, понудата не била оценета како најдобра за развојот на играчот во овој момент, па семејството реши да се врати во Финска и да почека вистински проект.