Ѓорческа со една победа скокна 12 места на ВТА листата

27 октомври 2025 - 09:09

Најдобрата македонска тенисерка Лина Ѓорческа повторно е блиску до најдобрите 200 во светот, на најновата ВТА листа.

Минатата недела таа учествуваше на Челинџерот во Роверето каде оствари само една победа, против Италијанката, Бранкачо, но тоа ѝ беше доволно да скокне дури 12 позиции. Како резултат на тоа, таа од денеска е на 201. место, во надеж дека до крајот на сезоната ќе скокне уште некоја позиција.

Оваа недела Ѓорческа ќе одмора бидејќи не е пријавена на ниеден турнир.