Лазаров: Манасков покажа светска класа, затоа и го повикав!

Манасков соопшти дека поради нарушениот однос со Лазаров нема да ги брани боите на Македонија во овие натпревари. На оваа тема денеска зборуваше и Лазаров.

„Дејан игра во одличнаа форма, затоа и го повикав, го одби повикот, не би имал друго што да кажам. Секоја чест  за формата, моја обврска е да ги повикам тие што заслужуваат, со него мислев дека ќе бидеме поквалитетни, навистина покажуваше светска класа, но тоа е тоа одиме напред“, одговори Лазаров на прашањето за Манасков.

Кога е Јапонија во прашање, Лазаров вели дека ја избрале затоа што станува збор за една квалитетна репрезентација со ниво на селекциите со кои ќе играме и на Европското првенство.

„Натпреварот со Јапонија го договоривме уште во летниот период, таму селектор е Тони Жирона кој ги водеше на Олимписките игри. Ми се допаѓа стилот на игра кој го има со брз и динамичен ракомет, ние во овие два натпревари ќе ги искористиме да пробаме некои работи кои ни недостасуваа во минатото и да се подготвуваме за уште едно големо натпреварување. Затоа сметам дека Јапонија противник по мерка. Ќе испробаме некои работи, ќе имаме и јасни цели на што мораме да внимаваме за да видиме до каде сме.

„Јапонија играше Олимписки игри и тоа е тоа ниво со кое се соочуваме на големите натпреварувања, нема да пробуваме нешто специјално, меѓутоа ќе дадеме шанса и на нкеои помлади ракометари. Деновите максимално ќе ги искористиме, ќе имаме пет тренинзи , два натпревари. Нема да бидат толку физички тешки, ќе бидеме насочени на детали“, изјави Лазаров.

Првиот натпревар против Јапонија, Македонија го игра на 30 ноември во Автокоманда, додека вториот е закажан за 1 ноември во Куманово.