Шкендија малку забега: Билетите за Шелбурн се до 800 денари!

16 октомври 2025 - 22:54

Од редовите на Шкендија одредија изненадувачки високи цени за првиот домашен натпревар во Конференциската лига во кој ќе играат против ирскиот Шелбурн.

Натпреварот помеѓу Шкендија и Шелбурн е закажан за идниот четврток, а билетите ќе бидат во продажба веќе од утре од 12:00 часот.

Во зависност од позицијата на седење блетите ќе се продаваат по цена од 500 до 800 денари.

Јужна трибина:

500 денари (блокови 1 и 6)

600 денари (блокови 2 и 5)

750 денари (блокови 3 и 4)

Северна трибина:

500 денари (блок 13)

700 денари (блокови 20, 21 и 23)

800 денари (блок 14)

Билетите ќе се продаваат преку продажната мрежа на „МкТикетс“, додека физичка продажба ќе има само во Тетово (Монако Тобако). Исто така тетовскиот клуб извести и дека на денот на натпреварот ќе биде отворена билетерата пред стадионот во Скопје.

Шкендија сезоната во Конференциската лига ја започна на гостувањето во Шпанија кај Рајо Ваљекано со 2-0.