Тренто доживеа дебакл во Еврокупот, не помогна ниту солидниот Јакимовски

16 октомври 2025 - 22:41

По победата над Будуќост во минатото коло, екипата на Тренто за која настапува македонскиот репрезентативец, Андреј Јакимовски го претрпе вториот пораз во Еврокупот и тоа со 87-71 против Лондон Лајонс.

Јакимовски на теренот помина нешто помалку од 23 минути во кои постигна 15 поени, исто колку што имаше Сенегалецот, Папа Чек Нианг, додека најмногу 22 поени постигна Американецот Џонс.

Сите поени македонскиот кошаркар ги постигна во второто полувреме. Најефикасен во победничкиот состав беше Мек Густи со 22 поени. Овој убедлив триумф на Лондон Лајонс е и едно од поголемите изненадување во досегашните три кола од Еврокупот.