И пливачите прават трансфери: Најдобриот Македонец го напушти Вардар - ќе плива за тим од Србија!

03 октомври 2025 - 13:41

Најдобриот македонски пливач во моментов и повеќекратен рекордер, Никола Ѓуретановиќ, направи трансфер и во иднина ќе настапува за пливачкиот клуб Нови Сад од соседна Србија.

Тој доаѓа од таборот на Вардар 2018, а зад себе има настап на Олимписките игри во Париз, каде ја претставуваше Македонија. Негов тренер ќе биде Ѓорѓе Агбаба.

Ѓуретановиќ е македонски рекордер во повеќе дисциплини и важи за речиси сигурен учесник и на следните ЛОИ во Лос Анџелес во 2028 година.