Рајо Ваљекано ја потцени Шкендија - со „втора“ постава против македонскиот првак (ФОТО)

02 октомври 2025 - 18:02

Тренерот на Рајо Ваљекано, Ињиго Перез очигледно одлучил да ги чува силите за претстојниот дуел против Сосиедад во Ла Лига, па за денешниот меч против Шкендија во Конференциската лига одлучи да почне со „втора“ постава.

Од натпреварот против Севиља во неделата, денеска меѓу стартните 11 има само тројца фудбалери: голманот Батаља, стоперот Лежен и левото крило Алваро Гарсија. Во тимот од почетокот нема да биде најдобриот стрелец на екипата во Ла Лига, Де Фрутос, десниот бек Андреј Рациу, левиот бек Пеп Шаварија, како и најдобриот асистент Иси Паласон.

Од стартот, на терен ќе биде капитенот Оскар Трехо, потоа стрелецот на голот против Барселона, Унаи Лопез, како и  напаѓачот Серхио Камељо, но дури и со ваков тим, Рајо е апсолутен фаворит на денешниот натпревар.