Дориев повторно погоди за Согдиана и остана на врвот на листата со стрелци!

21 септември 2025 - 18:28

Македонскиот интернационалец Љупче Дориев стрелаше во ремито на Согдиана против Андијан (2-2) во 22. коло од лигата во Узбекистан, а со тоа остана на врвот на листата со стрелци.

Дориев стигна до 13. погодок во дресот на Согдиана во узбекистанскиот шампионат, а воедно има и пет асистенции за неговата екипа.

Согдиана по 22 одиграни меча се наоѓа на деветтата позиција во лигата со 25 освоени бодови.