Добри вести за ПСЖ: Кварацкелија подготвен за Аталанта

16 септември 2025 - 08:12

Грузискиот репрезентативец Квича Кварацкелија нема посериозна повреда и ќе биде во составот на ПСЖ за првиот натпревар од новата сезона во Лигата на шампионите, против Аталанта.

Европскиот првак ќе биде домаќин на утрешниот меч и секако ќе биде ослабен со неиграњето на Дембеле, Дуе, Ли и Бералдо, но барем Луис Енрике на реасполагање ќе го има крилниот играч. Кварацкелија доживеа повреда на задната ложа во саботата, на мечот со Ленс, ама прегледите покажале дека не се работи за ништо сериозно.

ПСЖ е голем фаворит на мечот против Аталанта, а веќе во второто коло, за две недели ѝ гостува на Барселона, најверојатно на Камп Ноу.