Ериксен се договорил, наскоро потпишува за новиот клуб

10 септември 2025 - 18:43

Искусниот дански фудбалер, Кристијан Ериксен како што стојат работите за првпат ќе заигра во Германија.

Според информациите на германските медиуми, Данецот се договорил со екипата на Волфсбург и наскоро би требало да ја официјализира својата преселба во овој клуб. Ериксен е без клуб уште од разделбата ова лето со Манчестер јунајтед.

Дресот на „црвените ѓаволи“, данскиот фудбалер го носеше на 107 натпревари во кои постигна осум голови и подели 19 асистенции.

Со Манчестер јунајтед успеа да го освои ФА Купот и Лига Купот на Англија. Низ кариерата досега искусниот фудбалер беше дел уште од: Ајакс, Тотнем, Интер и Брентфорд.

Фото: Manchester United/X