Дончиќ збесна на соиграчите – им одржа лекција каква што не добиле досега (ВИДЕО)

02 септември 2025 - 10:54

Кошаркарската репрезентација на Словенија во денешното четврто коло од групата „Д“ ќе се сретне со Исланд (17 часот), во обид да обезбеди уште една победа на континенталниот шампионат.

Словенците досега забележаа два порази – од Полска и Франција – пред да ја совладаат Белгија со убедливи 86-69. Најзаслужен за триумфот беше Лука Дончиќ, кој блеска со трипл-дабл учинок: 26 поени, 10 скокови и 11 асистенции. Единствен кој го следеше во нападот беше Клемен Препелиќ со 12 поени. И покрај победата, атмосферата во словенечкиот табор не беше идеална. Камерите за време на тајм-аут го забележаа Дончиќ како со висок тон им се обраќа на соиграчите, видно револтиран поради нивната игра.

Со оглед на индивидуалната форма на Дончиќ и ограничениот придонес на остатокот од тимот, дуелот со Исланд ќе биде уште еден тест за амбициите на Словенија на ова првенство, а можеби и клучен за евентуалниот пласман во осминафиналето.