Италијанците ја „симнаа од облаци“ четата на „нашиот“ Џикиќ на ЕП 2025!

30 август 2025 - 16:28

Италијанската репрезентација дојде до првата победа на Европското првенство (ЕП) во кошарка, совладувајќи ја попладнево селекцијата на Грузија (78-62), која е предводена од наиот поранешен селектор Александара Џикиќ, во меч од групната фаза.

Првото полувреме донесе израмнета борба и резултат 32-32, но во продолжението Италијанците целосно ја презедоа контролата и со подобра игра во напад и одбрана обезбедија убедлив триумф. Најефикасни кај „азурите“ беа Нианг со 15 поени и Фонтекио со 14, додека Грузија ја предводеше Битадѕе со 22 поени. Грузијците во воведниот натпревар сензационално ја совладаа Шпанија, а Италија загуби од Грција.

Белгија, пак, во драматична завршница го совлада Исланд со 71-64. Иако во пред крајот заостануваше седум поени, белгискиот тим направи пресврт и дојде до голема победа. Лекомте беше прв стрелец со 16 поени, а за Исланд блесна Хлинасон со дабл-дабл од 20 поени и 10 скока.

Третиот триумф попладнево го оствари Естонија, која беше подобра од Чешка (89-75). Куламае се истакна со одличен настап – 16 поени, седум скока и седум асистенции, додека кај Чесите најрасположен беше Жидек со 14 поени.