Во Јунајтед им се смачи од Онана - си го капарисаа најдобриот голман во светот

31 август 2025 - 19:54

Манчестер Јунајтед би можел да донесе големо засилување пред крајот на летниот преоден рок ако успешно ги финализира преговорите за аргентинскиот голман Емилијано Мартинез.

Трансфер гуруто Фабрицио Романо денеска објави дека клубот од Олд Трафорд ги договорил личните услови со официјално најдобриот голман во светот (во изборот на ФИФА за 2024 година) и има 24 часа да го реализира трансферот. Потребна е само уште дозвола од Астон Вила која треба да ги одреди условите, односно висината на отштетата која ќе ја бара од Манчестер Јунајтед.

 

 

Дека шансите за трансфер на Мартинез се големи, најдобро зборува фактот што тој не се наоѓа во тимот на Астон Вила за вечерашниот меч против Кристал Палас, а на голот од првата минута ќе биде Марко Бизот.