Алкалоид има голема поддршка во Германија - македонски знамиња се веат во Хановер (ФОТО)

31 август 2025 - 18:24

Поранешниот освојувач на ракометниот Куп на Македонија, Алкалоид попладнево игра против Хановер во квалификациите за ЕХФ Европската лига, а на првото гостување има и голема помош од трибините.

Во арената во Хановер, на трибините се присутни неколку стотини македонски навивачи, веројатно од дијаспората кои гласно и со македонски знамиња го бодрат нашиот претставник во европското натпреварување.

Алкалоид е актуелен освојувач на ЕХФ Европскиот куп, но против Хановер се бори за пласман во Европската лига која е ранг погоре.