Еврогол на Собослаи, Ливерпул продолжи да гази во Премиер лигата (ВИДЕО)

31 август 2025 - 19:27

По три кола, Ливерпул е единствен тим со максимален ефект во Премиер лигата откако попладнево славеше во дербито со Арсенал со 1-0.

Исклучително динамичниот натпревар не донесе многу шанси за гол бидејќи главно, битката се бореше на средината на теренот. Победникот беше решен во 83. минута откако унгарскиот репрезентативец Доминик Собослаи на фантастичен начин, од слободен удар го совлада Раја и го постигна победничкиот гол за Ливерпул.

Во последните моменти Арсенал направи голем притисок, неколку пати се закани по голот на Ливерпул, но не успеа да израмни и со бод да си замине од Енфилд.

За „топчиите“ ова се први испуштени бодови во новата сезона откако претходно ги победија Манчестер Јунајтед и Лидс. Ливерпул останува најефикасен тим во Премиер лигата со осум постигнати голови во досегашните три гола и репрезентативната пауза ја дочекува осамен на првото место на табелата.