Брајтон станува кошмар за Пеп, „граѓаните“ повторно загубија со пресврт! (ВИДЕО)

Брајтон во многу сличен натпревар како во минатата сезона забалежа уште една победа над тимот на Пеп Гвардиола, тогаш исто така како и денеска славеа со пресврт, а за „граѓаните“ и тогаш беше стрелец Халанд. 

Не изгледаше дека фаворитот ќе остана без победа денеска откако Ерлинг Халанд го отвори резултатот по нешто повеќе од половина час. Норвежанецот се најде на вистинското место по додавањето од Мармуш и го матираше противничкиот голман.

Водството на гостите беше актуелно се до 67. минута кога на сцена стапи ветеранот Џејмс Милнер. Поранешниот фудбалер на Ливерпул беше сигурен во реализацијата на најстрогата казна за 1-1.

По тој гол Брајтон заигра подобро, а наградата стигна во 89. минута кога херој беше Груда. За Брајтон ова беше прв триумф во сезоната по ремито со Фулам и поразот од Евертон.

Во вториот натпревар кој се играше во истиот термин Вест хем против Нотингем форест со 0-3 ја запиша првата победа во сезоната по поразите  од Сандерленд и Челси. Победата „чеканите“ ја обезбедија во финишот со головите на Боувен, Пакета и Вилсон.