Македонија ЃП со пресврт до првата победа сезонава, без голови во Кавадарци (ФОТО)

До триумфот, ѓорчепетровци дојдоа благодарение на пресвртот бидејќи веќе во втората минута гостите имаа водство по голот на Булатовиќ, на асистенција на Ристиќ. Македонија ЃП долго време ја бараше својата игра, но во 25. минута дојде до израмнување, на задоволство на домашната публика. Спировски го фаулираше Гереро во својот шеснаесетник, а од белата точка погоди Христов.

Во 48. минута Пелистер имаше добра шанса преку Ристески откако Ристиќ шутираше од далечина, а Јанков кратко ја одби топката. Она што не им успеа на битолчани, колумбискиот интернационалец Еснејдер Гереро во 66. минута откако по една мешаница пред голот ја затресе мрежата за свој прв гол во дресот на Македонија ЃП. Со овој триумф, поранешниот македонски шампион се искачи дури на седмото место на табелата со три бода, додека Пелистер е пред него со шест.

На вториот денешен натпревар од Првата лига, Тиквеш и Брера одиграа без голови и останаа во долниот дел од табелата со по два бода.