Златниот кошаркар на Србија доби злато вреден совет: Немој да бидеш будала како татко ти!

Миличиќ сениор, кој важи за еден од најталентираните кошаркари од овие простори на сите времиња, често јавно зборува за своите падови и лоши искуства од кариерата. Пред неколку години тој откри дека на својот син му дал јасен совет – талентот сам по себе не е доволен без работа и дисциплина.

„Немој да бидеш будала како татко ти. Бог ми даде талент, но мислев дека тоа е доволно и дека не треба ништо повеќе да правам. Тоа беше најголемата грешка во мојата кариера. На моите деца им објаснувам дека трудот и посветеноста се единствениот пат кон успех“, изјави Миличиќ.

Поранешниот НБА кошаркар призна дека темпераментот и грешките од младоста го чинеле поголеми успеси, но денес е благодарен што има можност своето искуство да го пренесе на децата. Особено на Лазар, кој покрај таткото како пример, има и нови идоли – меѓу нив Јанис Адетокумбо.

„Кога ми вели дека сум му број еден, но дека и Адетокумбо му е идол, секогаш му кажувам - ‘Сине, тато своето го заврши, време е ти да се искачиш уште повисоко’“, додаде Дарко.

Миличиќ влезе во НБА како избор на Детроит пистонс од втората позиција на драфтот во 2003 година, само зад Леброн Џејмс, а пред величини како Кармело Ентони, Крис Бош и Двејн Вејд. Тој не се снајде најдобро и не го потврди својот талент, најмногу поради мрзливоста и темпераментот, кој му донесе „слава“ и со бруталното пцуење и навредување на судиите по поразот на Србија од Грција на ЕП 2007 година.