Меси мајсторски се врати по повредата – со гол за победа на Мајами (ВИДЕО)

17 август 2025 - 08:40

Аргентинската ѕвезда, Лионел Меси, со стил се врати по паузата поради повреда, откако постигна гол и беше клучен за триумфот на неговиот Интер Мајами во ноќешната пресметка на домашен терен против ЛА Галакси (3-1).

Тој не се најде во стартната постава на составот од Флорида, но влезе во игра на стартот од второто полувреме. Меси во 84. минута донесе водство од 2-1 за својот тим, а пет минути подоцна Луис Суарез ја потврди победата со трет погодок.

Претходно, Жорди Алба го отвори резултатот за Интер, а Галакси успеа привремено да израмни. Со новиот погодок, Меси стигна до 875 голови на 1.116 официјални натпревари во неговата блескава кариера.

ФОТО: X / @InterMiamiCF