Англичаните не се како Шпанците и Италијанците: Такво нешто не ни паѓа на памет!

14 август 2025 - 14:14

Извршниот директор на Премиер лигата, Ричард Мастерс истакна дека нема намера натпревари од ова натпреварување да се играат во странство и таа идеја не е ниту блиску до она што гој го посакува.

Пред неколку дена Шпанија потврди дека натпревар од Ла Лига ќе се игра во Мајами, додека од Италија не е потврдено, но Милан и Комо во февруари би требале да играат во Перт, Австралија.

Во претходните години натпревари надвор од Европа се играа од италијанскиот и шпанскиот Суперкуп, меѓутоа такво нешто во англискиот фудбал, барем во блиска иднина нема да има.

„Такво нешто не е ниту блиску до моите и идеи и она за што разговараме на состаноците“, истакна МAстерс.

Сепак, медиумите истакнуваат дека во Премиер лигата има 11 клубови во сопственост на американски компании што е блиску до двотретинско мнозинство што би било доволно да се променат правилата.

Новата сезона во Премиер лигата започнува утре со натпреварот помеѓу Ливерпул и Бормут од 21:00 часот на „Енфилд“.

Фото: Premier League/FB