Лудогорец ја елиминираше Риека, Ренџерс го исфрли Панатинаикос!

Лудогорец поведе со голот на Пјотровски од пенал во 19. минута, а Гојак донесе израмнување за Риека во 71. минута. Интересно е тоа што во продолжение хрватскиот шампион доби дури два црвени картони, но и покрај тоа се избори за продолженија.

Риека издржа едно од продолженијата без примен гол, но потоа Чочев и Иванов стрелаа во мрежата на гостинскиот состав за победа на Лудогорец од 3-1.

Ренџерс со предност од 2-0 пристигна во Грција кај незгодниот Панатинаикос, но успеа да преживее, иако имаше негатива од 0-1 од 54. минута кога Ѓуришиќ стрелаше и донесе водство за домаќинот.

Надежта на Панатинаикос дека може да ја анулира негативата од првиот меч згасна во 60. минута кога Гасама погоди за 1-1, по што резултатот не се менуваше.

Да потсетиме, Шкендија го шокира романскиот првак ФЦСБ со 2-1 во реваншот и се пласира во следното квалификациско коло во ЛШ.

Резултати:

Карабах – Шелбурн 1-0 (4-0)
Малме – РФС 1-0 (5-1)
ФЦСБ – Шкендија 1-2 (1-3)
Лудогорец – Риека 3-1 (3-1)
Ференцварош – Ноа 4-3 (6-4)
Макаби Тел Авив – Пафос 0-1 (1-2)
Панатинаикос – Ренџерс 1-1 (1-3)
Салцбург – Бран 1-1 (5-2)
Сервет – Викторија Плзен 1-3 (2-3)

Фото: Facebook/Rangers FC