Уште една победа во Турција: Тиквеш ја надигра и Адана!

20 јули 2025 - 20:51

Македонскиот прволигаш Тиквеш оствари уште една победа на подготовките во Турција, откако денеска ја надигра Адана 01 со 2-0.

Кавадарчани до водство стигнале со голот на Мишов во 23. минута од пенал, додека конечниот резултат бил поставен во 83. минута со автогол на Адана по одличниот центар-шут на Миловановиќ. Голманот на Тиквеш, исто така имал одлична интервенција, односно им одбранил пенал на ривалите.

Тиквеш на првиот подготвителен натпревар во Турција успеа да слави против Анталијаспор со 4-2.

Фото: ГФК Тиквеш 1930 Кавадарци/FC Tikves 1930 Kavadarci