Ливерпул подготвува трансфер-бомба, но мора да жртвува тројца фудбалери!

12 јули 2025 - 08:23

Англискиот шампион Ливерпул планира да постави нов трансфер-рекорд и да го урне претходниот на Флоријан Вирц, кој пристигна во редовите на гигантот за 125 милиони евра, меѓутоа најпрво мора да продаде тројца фудбалери пред да испрати понуда за Александар Исак од Њукасл.

Исак долго време е главна желба на „црвените“ за нивниот напад и планираат да го реализираат трансферот во текот на летниот преоден рок, меѓутоа најпрво Ливерпул мора да ги продаде Ибрахима Конате, Харви Елиот и Луиз Диаз.

Конате е блиску до трансфер во Реал Мадрид за околу 46 милиони евра, Елиот привлече интерес од неколку екипи, а неговата цена е 57 милиони евра, додека Ливерпул за услугите на Диаз бара 60 милиони евра.

Според шпекулациите на англиските медиуми, Ливерпул е подготвен да плати околу 150-160 милиони евра за Исак по продажбата на споменатите фудбалери.

Фото: Facebook/Liverpool FC