„Искуство и сила на десната страна“ – Сарајево моќно го потврди Ристовски!

10 јули 2025 - 21:15

Екипата на Сарајeво вечерва го потврди ангажманот на македонскиот фудбалер Стефан Ристовски кој по заминувањето од Динамо Загреб ќе настапува во првенството на БиХ.

Ристовски со Сарајево потпиша договор на две години со опција да биде продолжен на уште една и во клубот очекуваат да биде големо засилување.

Босанскиот клуб го најави како фудбалер кој би можел да донесе искуство и сила по десната страна.

Покрај Ристовски наскоро во Сарајево би можел да пристигне и Агон Елези кој исто така се поврзува со овој клуб, а ќе потсетиме од неодамна за технички директор беше назначен поранешниот македонски репрезентативец Крсте Велкоски.