Ѓуроски најдобар домашен играч во македонското првенство, Радукиќ МВП

07 јуни 2025 - 18:40

Македонскиот репрезентативец и кошаркар на Работнички, Стојан Ѓуроски е прогласен за надобар македонски играч во домашното првенство, во изборот на специјализираниот кошаркарски сајт Еуробаскет.

Искусниот крилен играч блескаше во дресот на најтрофејниот македонски кошаркарски клуб и беше најконстантен во тимот кој во текот на сезоната претрпе многу промени, особено меѓу странците. Во првенството одигра 28 натпревари со ефект од 16,5 поени, 4,4 скока и 3,6 асистенции и просечен индекс 14,9.

За тренер на сезоната е прогласен Васко Атанасов од МЗТ Скопје, најдобар млад играч е Андреј Шошкиќ од Работнички, а најдобар играч воопшто е босанскиот интернационалец од редовите на МКК Куманово, Александар Радукиќ.