Раде Стојановиќ седнува на жешкото тренерско столче на Пелистер!?

07 јуни 2025 - 11:13

Иднината на Раул Алонсо ќе зависи од денешното дерби меѓу Вардар и Пелистер, ако битолскиот тим не победи, шпанскиот стратег ќе добие отказ, а на негово место ќе пристигне познато име.

Вечерва Пелистер мора да го победи Вардар среде Скопје за да ја одбрани шампионската титула, тоа ќе биде тешка мисија за битолчани, а ако не ја остварат ќе се случи тренерска смена.

Најавите се дека евентуален неуспех ќе значи отказ за Раул Алонсо, а на негово место ќе пристигне македонскиот стратег, Раде Стојановиќ.

По крајот на играчката кариера, Стојановиќ се промовираше во одличен тренер, последен негов клуб беше словенечкиот тим Тримо Требње.