Поранешен талент на Арсенал следните четири години ќе ги мине во – затвор!

Тој бил уапсен при пристигнување од Бангкок, кога полицијата открила 60 килограми марихуана во две торби што ги носел со себе. Со него патувале и две жени кои, според истрагата, не биле свесни што носат, верувајќи дека пренесуваат злато. Вредноста на дрогата што ја пренесувал се проценува на околу 600.000 фунти. Со тоа, 34-годишниот Томас, кој во моментот на апсењето настапувал за шкотскиот второлигаш Мортон, завршува зад решетки.

Неговата кариера започна во младинскиот состав на Арсенал, а подоцна играше и за клубови како Ипсвич, Бристол Сити, Квинс Парк Ренџерс, Абeрдин и ПТТ Рајонг од Тајланд. Во 2010 година, тогашниот менаџер на Арсенал, Арсен Венгер, го опиша Томас како играч со огромен потенцијал, нагласувајќи дека „дава голови со обете нозе и е фантастичен пред голот“.

Но, од тоа ништо не се случи, а сега принудно ќе „игра“ за сосема друг тим и тоа во следните четири сезони.