Навивач од радост влета во терен, го измори обезбедување, но не стигна до македонските херои (ВИДЕО)

06 јуни 2025 - 22:49

Голот на Алиоски пред самиот крај и ремито на фудбалската репрезентација на Македонија против фаворизираната Белгија (1-1) во вечерашниот дуел на арената „Тодор Проески“ донесе еуфорија кај 25.000 гледачи на стадионот, меѓу кои имаше еден кој сакаше лично на терен да им честита на хероите на Благоја Милевски.

Тој успеа да стапне на тревата, истрча речиси колку дел од резервистите, дефинитивно ги измори луѓето од обезбедувањето, но не успеа да стигне до ниту еден од своите идоли.

Единствено успеа да допре еден од гостинските фудбалери, пред да биде соборен од задолжените за безбедноста на актерите на теренот.