Кога сѐ беше решено: Се степаа кошаркарите на Работнички и ТФТ – двајца исклучени (ВИДЕО)

18 мај 2025 - 22:38

Екипата на ТФТ имаше убедлива предност во финишот од вечерашната средба против Работнички и веќе обезбедено прво историско плејоф-финале, кога во салата во скопската населба Кисела Вода дојде до непотребна мешаница и физичка пресметка меѓу кошаркарите на двата тима.

Сѐ почна од дуелот меѓу Амар Хот и Тома Стојановски, кој прерасна во размена на лактови и туркање, што, пак, беше знак за останатите да се вмешаат. Дел од играчите на ТФТ влетаа од клупата, поради што исклучувачка грешка добија Американците Хотон и Говенс.

 

Ова, всушност, е само отстранување од клупа на оваа средба без потоа да се изрече дополнителна казна. Страстите брзо се смирија, а средбата продолжи со слободни фрлања за Работнички.