Гостивар и официјално се повлече - ќе нема директно испаѓање од Првата лига!

Фудбалскиот клуб Гостивар соопшти дека се повлекува од играњето во Првата македонска фудбалска лига по казните кои ги добија за повлекувањето од мечот против Работнички.

„Објавуваме дека нашиот клуб се повлекува од лигата, што стапува на сила веднаш. Оваа одлука е донесена со внимателно разгледување и уверени сме дека тоа е правилниот тек на дејствување за нашата иднина“, стои во дел од соопштението на Гостивар, кое вообичаено нема и македонска верзија.

Ова значи дека нема да има директно испаѓање од ПМФЛ. Воска и Гостивар се откажуваат, па останува уште борбата за да се избегне баражот.