Едерсон си оди од Сити, Гвардиола најде нов голман

29 април 2025 - 09:45

Манчестер Сити најверојатно ќе доживее голема трансформација во текот на летото, а ќе се менува и голманската позиција на која долго време е бразилскиот репрезентативец Едерсон.

Британските медиуми тврдат дека Пеп Гвардиола нашол нов чувар на мрежата во португалскиот голман Диого Коста кој е на голот на Порто од 2019 година, а веќе четири години е стандарден репрезентативец на Португалија. Коста има договор со Порто до 1 јули 2027 година, а неговата вредност во моментов се проценува на 38 милиони евра.

Што се однесува до Едерсон, тој има понуди од Саудиска Арабија за плата од 50-60 милиони евра по сезона.

фото: EPA PHOTO