Големиот талент на Ривер постигна спектакуларен гол на Суперкласико! (ВИДЕО)

28 април 2025 - 07:58

Ривер Плата со 2-1 ја победи Бока јуниорс во фантастично Суперкласико кое го одбележа 17-годишниот тинејџер Франко Мастантуоно.

Мастантуоно го постигна водечкиот гол на натпреварот, тој во 26. минута со прекрасен гол од слободен удар донесе предност на Ривер од 1-0. Ова беше еден од најубавите голови оваа сезона.

13 минути подоцна Мигел Мерентиел израмни на 1-1. А пред самиот крај на првото полувреме Друиси реализираше и го врати водството на Ривер на 2-1.

Во вториот дел немаше погодоци, па домаќините се израдуваа на победата.