Погледнете ја бомбата од десет метри со која Хориха ја скина мрежата на Митревски (ВИДЕО)

24 април 2025 - 20:51

Вардар останува во трка за шампионската титула во македонскиот ракомет, откако вечерва во Битола го совлада големиот ривал Пелистер со 35-34 и тоа со победничкиот гол го постигна Дмитро Хориха буквално во последната секунда од натпреварот.

Украинскиот бек покажа лидерски квалитети во клучен момент – при само четири секунди до крајот, тој ја презеде одговорноста и со скок-шут од десетина метри ја пробие одбраната на домаќините и речиси буквално да ја скине мрежата на голманот Никола Митревски, обезбедувајќи брејк на жешкиот терен во Битола.

Овој триумф ја зголемува битката за првото место, бидејќи до крајот на сезоната и Вардар и Еурофарм Пелистер до крајот на сезоната имаат натпревари против Алкалоид, како и уште еден меѓусебен дуел, овојпат во Скопје. Вардарци по првиот дел од плејофот се лидери на табелата со 12 бодови, еден повеќе од битолчани и четири повеќе од „фармацевтите“, кои имаат и меч помалку.